So uit U hand…..
Die eer van wonder
weerkaats in die deursigtigheid
masses sout breek vloeiend
die oneindigheid van U grote liefde
wat uitgestrek lê
oor versadigde strande
U lande soos ñ legkaart
hoe die branders
alles weer gelyk maak
die sout van die aarde
spoel en spoel
alles skoon en spoel terug
na waar die diep duisternis
dit neem en die golwe
in die gemak van U grote krag
teen rotse
en klippe en sandbanke
die seelewe slyp
die sout martel en skaaf
dit spoel skulpe uit
oor die strand
lê vlak tussen korrel sand
totdat die branders dit weer
in neem
na die dieptes van U land
om te dink
dit is alles geskape
so uit U hand.
C. Holder
© 2018
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
Maak 'n opvolg-bydrae
Jy moet aangemeld wees om 'n kommentaar te plaas.