sproetgesig se seëning (SILWER)

sproetgesig seëning

stil, alleen staan ek voor my spieël

ek sien twee groot blou oë

en vele sproetjies op my neus

“so ssssooo s-s-s-Sunet, …”

hoekom sukkel die woorde

dan so om uit my mond te kom?

wat is die oorsaak dat woorde

so haak as ek praat?

die spieël glinster voor my

en ek vra weer: “hoekom hakkel?”

geen antwoord kom na my

daar hang net ysige stilte om my

parmantig flits my blou oë

as ek my skouers reguit maak

“dit is nou tot hierna toe, jy het

my lank genoeg laat letterstruikel

ek is uniek, sproetgesig sonder maat

hakkel is nie langer my woordketting nie

ek skryf my eie verhaal en sing

die woorde sonder hakkel”

spieëlbeeld glimlag terug na my

weerspieël my innerlike krag

in die skemer van my kamer

oorwin ek die doring in my vlees …

©MarleneErasmus

02/01/2024

Neologisme:

letterstruikel : as jy struikel oor jou woorde

woordketting: woorde wat vasgeketting is in jou mond

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag