Welkom, Besoeker
Welkom, Besoeker
Taal waarskuwing*

Titel: Twee rye Spore

Deur Amazon
Datum gepubliseer: 27 Julie 2021 Aantal woorde: 234 45 Kere gelees 1

Wanneer twee rye spore
diep in jou gedagtes begin rol
raak mens weg en voel so verlore
aan die onthou dae wat steeds tol
in gebeure wat aan my hart geruk het

wanneer jy die reguit pad geloop het
en mens jou dan die kronkel pad laat vat
onseker oordat dinge jou laat belet
gryp jy grashalmpies en waardes begin spat
want iewers het ‘n donker kol gaan lê

maar diep ingewortel in jou menswees
weet jy iewers is ‘n liggie wat weer sal skyn
want so grou soos die nag voel jy so wees
uitgewerp waar eens baie lig was wat skyn
verwese en alleen en geen skouer vir keer

sien jy die donkerwolk raak
maar besef nie wat die silwerrandjie beweer
loop jy in diepe waters en die huil begin kraak
moedverlore en iemand wat met krag beseer
verloor jy alles vir iemand sy sin te gee

dan kom die wete van lewende waters wat vloei
en ‘n liggie kom maak jou wys
aan al die leuens wat gloei
en kom lê dit voor jou elke bewys
hoe onskuldig jy trap in elkeen se bedrog

en ons Grote Meester bring Sy hand oor jou
met liefde en genade en wys jou Sy vrede
en vergewe jy hulle wat jou ingestrik hou
word jy verlos van al die seer en jou verlede
opsy geskuif want ons Vader is in beheer

©Louisa van Vliet




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 151
Kommentaar telling: 32

Ek is n kind van God en is Jesus Christus my alles. Ek baie ingesteld op die waarheid en is heeltemal gekant teen leuens. Opregtheid en Eerlikheid is n passie by my. So wat ek in my gedigte en stories bring, is op die waarheid gebaseer. Alles wat my in die lewe geraak het, bring ek in my gedigte uit. Ek is n Afrikaner en murg en been. Wat jy sien, is wat jy kry. Spontaniteit en vriendelikheid is my lewe. As jy op my tone trap, gaan jy my beslis van hoor. Ek se n ding reguit en draai geen doekies om nie. My gehoorsaamheid word aan God die Eer gegee, want Hy is in beheer van my Lewe.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 139 gaste aanlyn

Bydraes – Argief