Tydlose ongeduld
As ons tog meer geduld
kan wys wanneer
die ongeduld van tyd
net tot stilstand kom
sal ons die wysheid
kan bekom om
eer te betoon
aan onsself
sodat die ritmes
sikroniseer met die hoop
wat alles bymekaar hou
wanneer die wêreld
se beweegruimtes
ons geduld toets
jy gaan haal jou asems
diep waar jy gegrond is
daar waar die krop op jou maag
saamtrek en jy stelselmatig
stadiger asemhaal
een-twee-drie
hoeveel sekondes maal
die verhaal
wat hom afspeel voor jou
asem in
en asem uit
en ter selfde tyd
sluk jy die ongeduld af
diep tot waar die krop
alles omkeer en jy weer
en weer sluk
aan sekondes wat
alles omkeer.
© 2018 C. Holder
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
Maak 'n opvolg-bydrae
Jy moet aangemeld wees om 'n kommentaar te plaas.