Van stof tot stof…
Breekbaar broos in die almag
van jou kwesbaarheid
vertroetel die oordeel die stof
wat saam die wind wegwaai
breekbaar liefkoos die
hoekoms en waaroms jou
soos ñ mot en kers
mekaar uitdaag tot laatnag
en die reuke en geure van gister
se lag jou mondhoeke troos
ñ lewensreis wat aan die einde
van jou aardse kruis-stryd sterf
sodat die lewe gebore kan word
in die roepe en ego’s van wat was
gebroke soos jy nou hulpeloos
net aanploeter ter wille van skok
en die groet is ñ moet
want hoe sal jy jou asem kan uitblaas
uit stof is jy gevorm
en tot stof sal jy terugkeer
met gees en waarheid
Wie se waarheid?
Sal jy die antwoorde miskyk
totdat jy jou asem uitblaas
tot jy gebore word
in die sterftes van jou sondes
van stof tot stof sal jy terugkeer
in waarheid met of sonder God.
© 2018 C. Holder
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
Maak 'n opvolg-bydrae
Jy moet aangemeld wees om 'n kommentaar te plaas.