VAN VOOR AF
VAN VOOR AF
Eet my! Eet my uit!
Sodat almal dit weet
en my nooit sal vergeet:
Daar’s iets wat my siel bly verniel;
my derms uitryg en my asem uitsuig.
Dan my wese uitspoeg en my kaal laat bly lê.
Jy vréét my! Jy vreet my uit
my lewensbaan.
Uit my wilsbestaan.
Jy goël my opsies – vrotroet suikersoet.
Ek slurp jou bittergal braaktand bloed.
Net sodat ek weer honger en dors kan hê.
En ek jou, my geheim, van voor af kan begin bemin.
Eet my. Eet my uit.
– Charlene Jordaan Kotzé
(Handel oor kindermolestering en die kringloop van eetversteurings/selfmutilasie.)
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Maart 2022 – OOP projek