versugtinge (brons)

versugtinge

die grootste droom wat ek het vir jou my kind
is ‘n nalatenskap van blywende geluk en vreugde
ʼn lewe van wonder en waardering vol deugde
dat jy spoedig so jou siel se eie liedjie mag vind
ek wens dat ek jou kan leer van die spel van die lewe
dat jy jou mag uitdruk met passie in jou eie visioene
nou en vir altyd geanker in die melodie van seisoene
die lewe met sy moeilikhede en terugslae is gegewe

my kind met jou lewe wat vreesloos vir jou wink
is my raad vir jou om jou geloof te behou en te glo
te alle tye jou oog te hou op jou hemelse Vader
selfs in die tyd wat jy baie min van jouself wil dink
moet jy weet dat die liefde alles sal oorwin – so
mag jy nooit vergeet tot wie jy jou moet nader …

©Marlene Erasmus
24/05/2020

*Eie foto

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag