
voor-seisoen kalf
in noordelike somer
is die weskus droog
fynbos krakerig sag
en my duin windstil
die skaap loop traag
op droë stoppelveld
staan en herkou voer
laasjaar se koringoes
eenkant in die kampie
staan watertrog alleen
waar vee daagliks suip
geen koelteboom naby
verlore in die leë veld
staan maer bruin koei
met voor seisoen kalf
vergeefs suig dit daar
laasnag is sy gebore
in bitter koue weer
soek biesmelk anders
sal beslis nie oorleef
na weke se pamperlang
onder boervrou se speen
word voor seisoen vers
lewendig en begin leef
wie weet – miskien sal
sy ook eendag so kalf
in koue winters nagte
een voor-seisoen vers
©Teárlach
2 Kommentare
Maak 'n opvolg-bydrae
Jy moet aangemeld wees om 'n kommentaar te plaas.
Koos Elsum
Man ek verlang nou na die droë landskap wat jy so goed uitbeeld. Die lewe is maar swaar maar ook so medelewend. Ek sien jy is oppad na 1000 Pragtig moet fees reël‼️