Wat is jou fokus?
Wanneer jou verlies
die middelpunt van
jou fokus is
versuim jy om te sien
wat voor jou is
jou direkte visie is verblind
jy staar teen dit vas
wat jou weerhou
om die volkome
prentjie te sien
wanneer jy fokus
op al jou seëninge
sal selfs die verlies en seer
van die verlede
nie meer lewe
jy kry meer as wat jy verloor
en net jy kan kies
gaan jy jouself blind staar
aan die seer
of gaan die seëninge
oorvloedig wees in jou lewe
wat jou lewe oorheers
sal bepaal waarnatoe
jy beweeg
met grasie of bitterheid
besluit?
© 2018 C. Holder
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
Maak 'n opvolg-bydrae
Jy moet aangemeld wees om 'n kommentaar te plaas.