Wee die vrou
Wee die vrou
wat na die sonskyn soek
wat die klowe (waar dit donker is)
vir ‘n bergpiek wil verruil.
Sy sal huil.
Wee die vrou wat hoop ~
sy sal die pad alleen moet loop.
Wee haar as sy glo
wee haar as sy liefhet
wee haar
as sy vrede vra.
Sy sal haar kruis moet dra.
Wee die vrou wat om versoening bid
sy sal gestenig word met onbegrip.
Wee haar
as sy ‘n blom wil plant
in hierdie land van droogte
waar dit min tot selde reën.
Wee haar, wee haar, wee haar
sy sal vervloek en vertrap word.
Wee haar.
Sy sal sout
en bitter trane ween.
C. Shaw
3 November 2015
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
9 Kommentare
-
Viooltjie
Dankie, Neels. Ek waardeer.
-
Anria
Pragtig! (Jou werk sal anyway nooit oud word nie)
-
Viooltjie
Baie dankie, Anria:-)
-
-
Somerreën
Ek sweer ek het die gedig nou so stilletjies gesing..... jou woord keuses is uitsonderlik en ek het die een baie geniet.
-
Viooltjie
Groot dankie, somerreën. Jou kommentaar bemoedig my :-)
-
-
Anze
ongelooflik mooi!
-
Kiekies
Dit bly uitstekend, intens en diep! Dis pragtig!
-
Viooltjie
Baie dankie vir saamlees, Kiekies. Ek waardeer baie, soos altyd ☺
-
Maak 'n opvolg-bydrae
Jy moet aangemeld wees om 'n kommentaar te plaas.
neels claasen
een van Carma se skitterende ou werke. Altyd lekker om weer die goue oues te lees