Jongste aktiwiteit:

Wegkyker (Goud)

só kan ‘n aanslag van ‘n skuinswind
jou kom optooi in ‘n kissie as
jou armoede naak kom blootplak
daar waar jou verdelg van goed
al lankal
asielsoekend was

of jou aan ‘n aalmoesbiegbank vasboei
totdat die selfgryp van jou gawes
(uit jou gul genadebron)
soos ‘n klipverdroogde vlakte
reënsmeek rimpel in die son

en op daardie selfde plek
waar jy wegkykend was
jou slaapplek in ‘n wintersteeg
op ‘n kaal karton laat pas

só …
as jy nog kan

maak jou hande oop soos bome
om geewinde te vang
dat jy dit aan uitgeparste wesens
as asems aan kan hang

Andries Fourie
(Seirdna)
05.05.2022




3 Kommentare

Maak 'n opvolg-bydrae

op
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed