Werk Aansoek

stof lê dik oor
my vaal werkplek
die skuif van materiaal
net ń herhalende dans
op die kopseer ritme
van ou musiek

in derde cv* se skryf
ontvou oustof as lekker ruik poeier
logistiek is nou die ritme
ń noodsaaklike dans
op die hartklop
van ń mars

uit vroeë epos bars
ń vars dansmaat
dié nuwe stoftrap dansbaan
ruik na goeie grond na reën
die oes van die seisoen?,
stofdans op ou musiek

*CV afk. Ook (weinig gebruiklik) cur.vit. (Latyn)
curriculum vitae; stuk met besonderhede oor iemand se loopbaan, kwalifikasies, prestasies, ens.

Handwoordeboek van die Afrikaanse Taal (6de uitgawe)