Winter van my lewe (Brons)

Winter van my lewe

jy was altyd daar
net daar, sonder vrae
hoekom en waarom,
net stil my hand gehou

ek kon net wees
geen verduideliking
jy het altyd verstaan
geen veroordeling

die trane oor my wang
saggies met jou sakdoek gevee
my teer op die voorkop gesoen
verseker dat alles reg sal uitdraai

die kommerkous in my gestil
met woorde van bemoediging
vrees uit my wese gestreel
met jou sterk nabyheid

in die winter van my lewe
het jy altyd getrou gebly
uit die diepte elke keer opgelig
om weer te wees jou sonneblom

© Marianne Buys

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag