Jongste aktiwiteit:

Winter

Winter

Die kaggelvuur moet brand
want die winter het arriveer
onverbiddelik
tot groot seën
en groot ellende—
‘n Sagte winter reëngroet
gerusstellend en vriendelik
het sy aankoms ingelui,
maar daar ver agter
word die slagordes opgestel
en die falankse in vaste reëlmaat
op ons losgelaat met
stortreëns en
stormwinde
se woedebuie—
‘n Nat winterkoue
met oorstroomde huise
en klappertand bewend
van die koue weet jy
dit sal weer verbygaan,
die somer sal weer kom
en alles uitdroog, ja verseker
sal die somer weer kom—

Janetta – Helena [Babs]©




2 Kommentare

  • Viooltjie

    Baie goed gedoen. Wonderlike atmosfeer geskep en sommer mooi verduidelik hoe die Kaapse winter werk. Hoekom skryf jy nie die gedig in vir die teenstellingsprojek nie? :-)

    • Janetta-Helena Boonzaaier

      Ek het nog nie eens gekyk na daardie teenstellingsprojek waarvan jy praat nie, ek sal kyk daarna, baie dankie vir jou inligting en kommentaar, ek waardeer dit baie.

Maak 'n opvolg-bydrae

op
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed