Inferno van smart
Inferno van smart Soos note val as vuurreën uit die lug, dartel vlamme op my hartsnare, vorm melodieë brandend op die emosies in my hart, skilder vlamgrypers nou beelde diep in my sielesmart gebrandmerk om my op vonke te laat kadriel jou naam geêts op my siel. ©️Riana Crafford
gedeelde smart
gedeelde smart geskryf deur Dale Penderis © liefste vriendin ek bou vir jou ʼn on suite in die kamer van my hart waar voltraan krane vrylik vloei oor gedeelde pyn en bittersmart kom stort die seer van gister in die skoon geskuurde waskom uit begrip vir al jou leedwees wat uit my eie menswees spruit […]
maplotter tot prinses
maplotter tot prinses geskryf deur Dale Penderis © vanmelewe se dae in my jong-dogter-tyd uit onkunde gebore my onskuld kwyt verworpe verstote vervreemd verwaaid vroeg-vroeg alreeds met ma-wees belaaid my terugkyk na gister het my een ding geleer elke beproewing slyp jou net meer en meer in dit waarvoor Hy jou geroep het te wees […]
ʼn kookseltjie herinnering
ʼn kookseltjie herinnering geskryf deur Dale Penderis © vanoggend is net anders nie vanweë ons Strand se witskuimbranders maar die ritme en stoom wat my vroegoggend wek deur gister se spore bedek borrelend uit ʼn ou koester plek oorgekookte herin’ringe uit vergange se dae toe die karootrein vir my fluit tussen kaal bos en kluit […]
Uitkomste
DNA geheue is ingeburger deur geslagte se verwoestings dade, oupas en oumas se sorgelose nalate gesamentlik lê alles in die my onderbewuste ongeag beter wete dryf dit besluite en swaai die skaal na chaos lae kennis is verkry deur geslagte se toepassing van beste metodieke, die oordra van voorgeslag welwillendheids verhale die lê ń padkaart […]
Stukkende Lewens
Soms raak my praat op. Soos wanneer die vrou wat ons kantoor se tuin doen, my bel en verskoning aanteken: Haar (reeds moeg) bakkie se ‘starter’ het opgepak. Toe sleep hulle maar die waentjie met die tuingereedskap, van huis-tot-huis. En toe word die ding OOK nog boonop gestamp. Ellende. Dié groot mens met die groot […]
Winterdood (Junie Haiku projek)
Yskristal verkleef stalagtietstyf teen my lyf priemdood in winterkou ©️Riana Crafford 21/6/23 Neologisme: stalagtietstyf = stalagtiet + styf Priemdood = priem + dood Yskristal = ys + kristal
Skewe Soen
die vrou skree hard die emmer het geval dat die water spat sonder wal of doel oor ń onbeplande kol sy lyf trek skeef lippe is saamgepers alles om stil te bly dit sny teen sy grein die harde skree toedraai is kanse verby die water is gegrond die skree is op pad al raad […]
(goud)
Dis koud hier by my misdroeftig verwinter ek styf in jou arm. © 06/2023 Caren Kearley FB: Nimfoleptiese Woorde
Weg (goud)
Toe winter my vat ‘n duisend myl ver van jou moes ek wegjabbel. © 06/2023 Caren Kearley FB: Nimfoleptiese Woorde