Nog ‘n jaar
In die veld langs die pad
in die grond droog en hard
staan ‘n kruis dof
deur die son gebrand
Teen die donker dieptes van die nag
deur ‘n donker-donker droom
so amper of dit met bleek vingers
aan my siel kan raak
Dan kruip skaduwees oor die maan
deur die wit mistigheid en suising heen…
nog ‘n jaar het verby gegaan
en die nuwe een blink helder en nuut
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Januarie 2018 - Weerbegin en voornemens projek