Sonsak oomblikke
in die skadu’s van die Outeniqua
het die son skaam in oker
oor bergkranse gebloos
terwyl wegkruipskadu’s
pendule in apostelgelid
onder die wind se
penniefluitklanke
van gisterdinge
© Anzé Bezuidenhout
https://www.litnet.co.za/sonsak-oomblikke/
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
3 Kommentare
-
morne du preez
"penniefluitklanke van gisterdinge" lief vir daai einde van jou gedig laat mens so dink aan 'n stil winderige dag maar amper so 'n ligtewindjie wat net mooi oor die blomvelde dans en die lang gras ritzel terwyl mens in stilte vasgevang stom staar,so asof jy die toekoms en verlede in een oomblik ontvang.
-
Riaan Palmer
Ek beny julle wat met 35 woorde 'n pragtige prentjie kan teken! Dit sou my seker 500 woorde gekos het om presies dieselfde te sê... ;-)
Maak 'n opvolg-bydrae
Jy moet aangemeld wees om 'n kommentaar te plaas.
Palet
Pragtige klanke!