Wens
My skone biesiepol
met die mooi gesig, steenpuisievry
wees vir ‘n slag ‘n lyfwringer
en langasemdans saam my
deur die Paarl Vallei
of kom ons wees smoelers
onder ‘n tamatiepruimboom
en sing ‘n samesynlied
‘wyl reënwolke haelkorrels
soos kiepiemielies skiet
kom ons verloor ons ontelbare male
in ‘n droom
waar ek en jy:
op die rûens van bruinbontperde sit
en bruilofsfees geniet
vir daardie oomblik
sal ek met fotografiese geheue bid
(Brons)
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die November 2020 – Samesyn-projek