Rasperspore
deur ontelbare spasies
lê die rasperspoor van onthou
tussen geraamte stasies
wat stil in gedagtes
oopvou
kniediep deur lawa-vure gekruip
wat jou kool-verskroei
tot daar waar jy versuip
en voel jy kan nie meer
bloei
bitter, sout en pekel dae
waar jy soos Lot’s vrou versteen
onder koue woordslae
wat sny tot op die
been
dan in oomblikke heilig gewy
tot by waters waar rus is heen
met jou rustig aan my sy
word ons rasperspore
een
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
8 Kommentare
-
-
Anze
Baie dankie Neels ek waardeer baie
-
-
Janetta-Helena Boonzaaier
Na alles---word ons rasperspore een--- wat 'n mooi versoenende einde!
-
Anze
Baie dankie tannie Babs vir jou goue voetspore, ek waardeer dit baie
-
-
Amaspoke
Die gedig raak aan my hart!!!
-
Anze
Baie dankie Casper ek waardeer baie
-
-
Arnold
Dankie vir die deel.
-
Anze
Baie dankie Arnold ek waardeer baie
-
Maak 'n opvolg-bydrae
Jy moet aangemeld wees om 'n kommentaar te plaas.
neels
Anze dit is pragtig