Hier lê Genade
Waar ek na jou naak barheid staar
sonder enkel druppel reën wat val
huisves jy reptiel en menig’ plant
wat jy tog
uit droë woestynstof moes baar
As miskombers karos oor jou piek
besef opnuut dat Skepperhand
se bergengele vrylik hier waak
want aanskou
elk boom, plant, rotswand uniek
Soos vader son se goudstraal kwas
wals jy ritmiese golf-genot
diepgrom uit jou skatkis buik
en jou strand
kartel spoegskuim wit soos was
In die Bosveld op ‘n spogplaas
pronk Koedoebul en Elandkoei
onder geelsambreel, doringboom
trots en fier
want hier, ja hier
het moed opgee die aftog geblaas
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
8 Kommentare
-
-
Evelyn van der Merwe
Dankie vir die saamlees.
-
-
neels
Waow Evelyn pragtig geskryf
-
Evelyn van der Merwe
Dankie waardeer opreg.
-
-
Kiekies
Uitstekende slotstrofe!!
-
Evelyn van der Merwe
Dankie vir jou inloer.
-
-
Amaspoke
Fantasties geskrywe
-
Evelyn van der Merwe
Nederige dankie, dit maak mens se dag om soveel positiewe kommentaar te ontvang.
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
PUIK!!!