Gister se as-spore
brandend lek dit pit
van jou hart se lig
in felle kompetisie
met die sterglans
wat flikvlooi dans
met die sneeuvlok
vallend deur die lug
voltooi so die sirkel
van ‘n halwe maan
skets die klippe van die kaggel
jou innige diensbaarheid
in eelte van diepe omgee
brand die knetter-vuur
van jou liefdeswoorde
dieper as diep
vore deur my hartsakoorde
soos sonstrale deur loodglas
skitter en gloei die warm kole
vertel van jou liefde immer getrou
waar jy strelend, koesterend
my in jou arms toevou
‘wyl gister se as-spore
stil na benede plas
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
12 Kommentare
-
-
Anze
Baie dankie vir jou goue woorde Neels ek waardeer dit baie
-
-
Kiekies
Mmmm ja, dit teken 'n prentjie in my kop.
-
Anze
Baie dankie Kiekies ek waardeer baie
-
-
Janetta-Helena Boonzaaier
Baie baie mooi Anze!
-
Anze
Baie dankie tannie Babs ek waardeer baie
-
-
Amaspoke
Die meester aan die werk. Uitstekende skrywe
-
Anze
Baie dankie Casper vir jou goue woorde ek waardeer baie
-
-
Arnold
Pragtig Anze.
-
Anze
Baie dankie Arnold ek waardeer jou gereelde kommentaar
-
-
Evelyn van der Merwe
Wow hier het jy uitgehaal en gewys.
-
Anze
Baie dankie Evelyn ek waardeer jou mooi kommentaar
-
Maak 'n opvolg-bydrae
Jy moet aangemeld wees om 'n kommentaar te plaas.
neels
Soos altyd meesterlik geskryf