Sal jy …
sal jy na my kom soek
as daar in ons huis
net stilte woon
as mure net stil kan staar
na daar waar eens ‘n
asem was
sal jy na my kom soek
as die son verdwyn
oor Westerkim
en die maan sy
laaste strale gooi
sal jy my kom soek
as my naam uit sterrebrug
so stil-stil verdwyn
herkenning moeg
my brein verlaat
sal jy my kom soek
as wrede monsters kom,
my na niemandsland
wreed wegvoer
sal jy …
© Anzè Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
3 Kommentare
-
-
Anze
Baie dankie vir jou kosbare stilstaan Neels ek waardeer dit baie
-
-
Ronel Janse van Vuuren
Pragtig. Hou van die beelde wat jy gebruik.
Maak 'n opvolg-bydrae
Jy moet aangemeld wees om 'n kommentaar te plaas.
neels
mens wonder soms wat gaan deur die gemoed van n bejaarde as lewensmaat van al die jare wegval