Alcatraz
Op ‘n verlate eiland
het ek na jou gedelf
maar al wat ek kon kry
was versteende ghwano
op die venserbanke
van ‘n gepansterde
Alcatraz.
Swart tralies het
jubelklanke toegespin
terwyl die kras van die seemeeue
die bleek uit my irisse steel
en verdwaalde krappe
het sku onder die gruis
van my voete kom teel.
© Anzé Bezuidenhout
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...
4 Kommentare
-
neels
Daar was n fliek, birdman of Alcatraz met Burt Lancaster in die hoofrol. Die fliek het gegaan oor n gevangene met n lewnslange vonniswat voëls in die tronk begin bestudeer het
-
Ronel Janse van Vuuren
Wow! Hou van die beelde wat jy skilder.
-
Anze
Dankie Palet, Neels en Ronel vir julle goue voetspore ek waardeer dit baie
Maak 'n opvolg-bydrae
Jy moet aangemeld wees om 'n kommentaar te plaas.
Palet
Flikker die druppels van verlange in die gedig...baie mooi