As somers winter braak
Hoe griffel jy as mens –
silwersoet herinnering,
as die vlymskerp dolk,
jou hartmuur binnedring.
Hoe vrysweef jy soos arend –
op wasem van wonderwolk,
as jou drome weer verbrokkel,
soos jy liefde krom vertolk.
Hoe loop jy die laaste myl –
as horisonne swart ontwaak,
oor verspilde kleurlentes,
wat in die somer winter braak.
Hoe vra jy genade van Bo –
uit Skepper se vry kelkhand,
wanneer jy alles opoffer,
om in Sy oorwinning te glo.
Hoe twyfel jy nietige mens –
kyk net na die mier se spens,
Hy sal wel die laaste myl,
tree vir tree saam verwyl
Evelyn van der Merwe
Ek skryf om leeg te word van wêreldse struikelblokke en voller te word met die talent wat my Skepper aan my toevertrou het. So glo ek dat mens tree vir tree en woord vir woord eendag weer oorwinning sal behaal.
5 Kommentare
-
-
Evelyn van der Merwe
Dankie, waardeer jou altyd.
-
-
neels claasen
Evelyn inaksie met haar pen waow
-
Evelyn van der Merwe
Nederige dankie, ek waardeer opreg.
-
-
Cornien
Pragtig Evelyn net soos jy kan, diep geskryf. Ons Skepper bly ons enigste anker, wanneer storms woes om ons woed.
Maak 'n opvolg-bydrae
Jy moet aangemeld wees om 'n kommentaar te plaas.
borrels
Mooi werk Evelyn, ek hou daarvan