Beginpunt-middelpunt my omkeerpunt
Ontmoedig voel jy
wanneer die kruisvuur
hier binne jou seevier
jy protesteer teen die aanslag
wat jou stem kom stil maak het
na soveel jare
en jy sleur en sleep
daagliks saam die wreedheid
slagvaardig wag jy
vir die breekpunt
om jou te vind
die terugflitse
ongenaakbaar
die verlede
kom doen
hom voor
in nou
waar jy aan dit
wat jou gebreek het
nog so lieftalig vashou
jy kwyn weg
jou waardigheid gestroop
en al wat jy in stilte uiter is
“Here-Jesus, ek is stukkend
ek kan nie meer in niks lewe
wees U nou my middelpunt
my beginpunt
my omkeerpunt
ontmoet my asseblief
sodat ek waardig
kan staan en myself
in U my Jesus kan vind.”
© C. Holder 2018
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
Maak 'n opvolg-bydrae
Jy moet aangemeld wees om 'n kommentaar te plaas.