Daar’s ‘n Ou Man wat Huil

Daar’s ‘n ou man wat huil
in die park op ‘n bankie
as die kinders baljaar
in die vroe-môreson,

en die pa’s en die ma’s
met bont piekniekmandjies
wat kyk en wat lag
hulle aan kinders verstom,

en die ou man wat huil
in die park op die bankie
kyk terug op sy pad
maar dis leeg en dis krom

en die plooie word stroompies
wat oorspoel op die sandjies
van die wit stoppelbaard,
en drup op ou vingers dom,

en die ou man wat huil
in die park op die bankie
buig en bid sonder woorde
want hartseer is stom

oor die tye en kinders
met vuil kleuterhandjies
wat nooit weer sal wees nie
want sy tyd is nou om…..

© Anton Bosch 24/06/2014

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag