Vir ‘n reënroeper
ek stuur vir jou ’n donker wolk
vol genade uit die Kaap;
ek weet jy weet wat ’n mens
met so ’n wolk moet maak
– jy steek jou arms uit
tot jou hande daaraan raak
jy bid en jy sê dankie…
net voordat jou vingers
vol riviere daaruit raap
© Carma Shaw
19 Desember 2019
5:58
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
Maak 'n opvolg-bydrae
Jy moet aangemeld wees om 'n kommentaar te plaas.