Delvillebos (op ‘n dag in Julie 1916)
goud
Vanoggend het Fanus Venter* ‘n nare voorgevoel…
en net daar !PLOF! iets in die sandbank –
dis die eerste ligdagkoeël.
Teen die walle van die Somme
is die duiwel eensklaps los
tussen kaal geraamtebome –
dit is die slag van Delvillebos.
Vir die jong man van die Vrystaat
is die masjiengeweer se vuur
(genadiglik tog darem) van baie korte duur;
dis ook maar net sy vlees en bloed
wat hy hiér in die vreemde los.
*
En iewers skarrel daar ‘n korhaan
tussen vlaktegras en ‘n bitterbos.
© Carma Shaw
* Fanus Venter is ‘n fiktiewe naam
4 Kommentare
-
-
Anze
Pragtig, baie dankie vir jou bydrae tot die Junie 2018 - Poëtiese orde projek
Maak 'n opvolg-bydrae
Jy moet aangemeld wees om 'n kommentaar te plaas.
neels
ware huldeblyk aan die manne wat hulle lewe daar verloor het