Die laaste avondmaal

In die bovertrek het Hy
saam met die twaalf aan tafel gesit
daar was ’n vreemde trek in sy oë
Sy gemoedsrus – bewoë

Hy wat altyd so seker was –
Meester van elke situasie

skokkend was Sy woorde
‘een van julle wat saam met my aan tafel sit
sal my vannag veraai’

skok en ongemak
vul die vertrek
‘Rabbi wie sal dit wees?’

‘die een wat saam met My
sy hand in die skottel steek
sal My vannag veraai’

Judas kon homself nie keer
en doop sy broodjie
saam met die Heer

daarna staan hy op
verlaat die vertrek

dit
was
nag …
———oo00oo——–
©Pieter Mostert
[Silwer]

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag