Duskant Hermon
(As mens van Tulbagh af
Kaap se kant toe ry,
by reeds geoeste koringlande
en stapels strooibale verby)
sien jy genade
in die beeste (langs ‘n koel stroom)
teen die wal
en in die ampersomerwolke
– wat soos asem –
oor die kranse
en deur klowe
van ’n Boland blouberg val.
© Carma Shaw
20 November 2017
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Maart 2018 - Digkuns projek