Êrens is ‘n antwoord
Stilte – ‘n werklikheid nes die wind –
kom van nêrens, dis onaantasbaar;
daarmee saam kom onsekerheid.
Dit vul lewe met vreemde emosie,
vrae oor gister, vandag en môre;
wat was, wat is en wat sal wees –
Stilte se waarskuwings gedagtes,
is net soos ‘n ou kombers vol gate;
hartseer-koud en warm-plesierig,
Vir die wyse bring Stilte reiniging,
dis die gereedskap wat insig gee;
en ‘n rede om te lewe mee te vind.
Vir ‘n siel vasgevang in hartseer
en pyn is dit soos ‘n goeie wyn;
dit skree: “êrens is ‘n antwoord”.
08/12/2016 © C. du Plessis
Amaspoke
Ek wou nog altyd skryf en het uiteindelik laas jaar 'n bundel uitgebring. Ek bedink nie spesifiek 'n skrywe nie, dit kom spontaan en op ingewing van die oomblik. Ek sal enige kommentaar, sleg of goed, aanvaar met ope arms.
2 Kommentare
-
Viooltjie
Diep denke, Casper. Sit my ook nou aan die die dink. Goed gedoen
Maak 'n opvolg-bydrae
Jy moet aangemeld wees om 'n kommentaar te plaas.
neels
Casper dit is altyd n plesier om jou werk te lees.