genade (Goud)

elke dag se genade lê geskoot

tussen daeraad en skem’ring

dit loop oor in die nag se omarming

draal heilig en van pretensie ontbloot

die wonder daarvan is té groot

om te begryp of te besing

dit bring ned’rige verwondering

dit is vryspraak van sieledood

tydlose seisoene tree klokslag aan

om die ritme van die heelal

sy genade-gang te laat gaan

God se genade breek geheel en al

elke dag splinternuut aan

met die nodige seën vir een en almal

© Elmarie Nienaber Van Kampen, 2024

Neologisme: geskoot – genestel

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag