Genesing
Om te weet
dat groot word
se seer eintlik ñ seëning is
laat nagte se soebat
leë holtes in jou hart
het plek gemaak
vir wat bestem is
vir wanneer die tyd ryp is
sodat die leemtes
en die oop vlaktes
in jou smart
ñ voetpad sal wees
tot waar jy moet stap
by pieke
waar die horison
van volmaaktheid
jou oë verblind
die sonlig van skoonheid
weerspieël in gisters
en selfs dit kom jou tegemoet
die besef jy het vol sirkel gekom
die holtes is nou ingekleur
met die tyd
wat in alles openbaar
van toeka tot nou
die berou is leeg
want die groot word
het gemaak dat die klein wees
die reuse binne jou
kon genees.
© 2018 C.Holder
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
Maak 'n opvolg-bydrae
Jy moet aangemeld wees om 'n kommentaar te plaas.