geur

 

wat is die geur van lewe

elke eerste bewustelike teug

by die oggendstond

.

die geur van blomme

wat die droë veld hernu

na eerste reën se val

 

die geur van sout

gedra op die oggendbries

met sonstrale daarin

.

die geur van koffie

met boerbeskuit gedoop

ewenaar met smaak

.

die geur van ‘n sipres

waarlangs die stoet gaan

om laaste eer te bring

.

die geur van ‘n baba

wat sy eerste geluide maak

so skoon soos lewe

.

die geur van liefde

wat alles wil omhels

en net een word

.

die geur van moepels

geel onder boom verstrooi

in gefladder van vlerke

.

die geur van jouself

teen die duin se kroon

eerlike arbeidsloon

.

©Teárlach