In die lied van sy Trompie
Ma-goed verlate,
eet hy uit vullisdromme,
slaap hy in asgate en ken hy geen somme
of geskiedenis of wetenskap,
maar krap hy in stormwaterpype
op soek na ‘n stompie om te rook
wanneer tandelose ou Tattas
in die nag se vriespunt-uur
hul konkas rooiwarm stook.
Dan,
vertel die lied van sy trompie,
van die voetpad berg-op daar op sy donkie –
van die kruie-geur
as hy alagter die klinge-linge-klokke van sy baardbekbokke
al hoër aanbeur –
en van die suurmelkkalbas
en die soetriet, mashonas en lekker pattats
daar, in die rooiwarm-as.
Tril ………….,
noot na noot,
tot ‘n spieëlbeeld in die rimpels;
tot wuiwende pampas alom die boot;
tot ñ helder vinkgesang,
tril ………..,
hol-en-bolwang,
hoe hy vir sy grootpram-Ma
blinklyfvisse vang,
Bring hy,
in die lied van sy trompie
met wye ivoorgebit
vir sy Ma die heel grote
vir haar, (so vrolik-om-die-vure)
se kosgee-aansit.
Elizabeth Greef
10 Kommentare
-
-
Elizabeth Greef
Baie dankie Anze, ek waardeer jou altyd.
-
-
Koekekranka
n Uiters verdienstelike stukkie sosiale kommentaar uit die hartkamers aangebied. Bravo!
-
Elizabeth Greef
Baie dankie KK, vir jou terugvoer, ek waardeer dit baie.
-
-
neels
ek wonder hoeveel mense onthou nog n trompie
-
Elizabeth Greef
Baie dankie vir jou saamlees Neels, ja ek wonder of 'n mens dit nog iewers te koop kan kry?
-
-
Kiekies
Briljant geskryf en beskryf!
-
Amaspoke
Uitstekende werk, net soos Neels wonder ek hoeveel nog 'n trompie onthou.
-
Elizabeth Greef
Baie dankie Kiekies, ek waardeer jou altyd.
-
Elizabeth Greef
Baie dankie vir die saamlees AS, Ja, dit het nogals 'n besonderse geluid gemaak.
-
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
PUIK!!!!