Lotusressort
Lotusressort
(Heilige blom van die Boeddhiste, en in Griekse legendes ‘n blom wat vergeetagtigheid en dromerigheid veroorsaak)
Angsbewus,
geen sielerus,
elke sonskyndag net ‘n skyn
van onbekommerde samesyn—
Ag, om maar te kan droom
in die loom
van die lotus
se rus—
Elk versluierde mantelnag
‘n skynrus en misdaadklag
en sonskyn ‘n blink veneer
waaronder misdaad floreer—
Berei ‘n lotusbredie,
die gode se blommebredie,
eet en skink
nektar om die angste te versink!
Ag, om net te kan droom
in die loom
van die lotus
se rus,
om te kamp en tent opslaan
in rustige bestaan
by die lotusressort
ons sorge uit te stort!
Waar die lotuslelies blom
eindig die die reënboog se krom
daar vind jy ‘n gelukspot vol vrede
niks is ooit omstrede—
So onbereikbaar vaag lê die volmaaktheid
wat ons najaag in desperaatheid ,
die ontvlugting wat ons soek
met geen lengte en breedtegraadshoek—
Janetta – Helena [Babs]©
4 Kommentare
-
-
Janetta-Helena Boonzaaier
Baie dankie Anze dat jy die prentjie gered het, en dankie vir jou kommentaar, ek waardeer dit baie!
-
-
Amaspoke
Baie mooi skrywe, veral die laaste vier reëls, dit spreek boekdele
-
Janetta-Helena Boonzaaier
Baie dankie Amaspoke, ek waardeer jou lees en kommentaar baie!
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Baie goed vasgepen tannie Babs