My Tydperk is Picasso . . . . .
My tydperk is Picasso –
die fjord het saffier gevries.
Hier,
waar ek smag na my Suiderson,
(soos ñ pasgebore kalf na sy Ma se bies),
word die tinwolk ñ duif
se vergeefse wegfladder met geknipte vlerk;
die sneeutrosse ‘n somerrypdruif
aan die druilerige takke van ñ naakblou Berk.
En in die Rendier se sambrelekroon
fantaseer donsiggeel my Soetdoring’s bloei,
waarin skubbe-Ouvolk woon
as die beeste kopspelend
kraal toe aanloei.
O my son!
my Madeliefie van Doringbaai,
in hierdie diaspora-milieu
wentel so vêr, so vreemd, so sonneloos
Noorweë in die nag se draai –
Traanbreek in elke sterre-verskiet
my heimwee na ‘n land
se: “Uit die blou van onse hemel”
van Onse-Hemel-Lied!
©Elizabeth Greef
8 Kommentare
-
-
Elizabeth Greef
Baie dankie Neels, ek waardeer altyd jou saamlees.
-
-
Eduard Smith
Beeldryk en besonders Elizabeth. Ek sou wou weet: moet dit eerder Picasso lees of is daar ´n rede vir die Picassio? Dan, die gebruik van gravis aksente op ´sò´ laat my wonder of dit nie eerder akuutaksente moet wees nie? Ek vra want ek is nie seker wat jy hier bewerk nie? Ek sal graag wil hoor. Dit is ´n pragtige vers met ´n besonderse toon. :)
-
Anze
PUIK en weer PUIK!
-
Elizabeth Greef
Baie dankie Eduard, ek waardeer jou terugvoer. ja, jy is reg, dit moet Picasso wees en nie '(io)' nie. Dankie dat jy my daarop gewys het. En ook die verkeerde gebruik van die aksentteken. Ek herstel.
-
Elizabeth Greef
Baie dankie Anze, ek waardeer altyd jou terugvoer.
-
-
Koekekranka
Meevoerend en amper wroegend in verlange na jou wêreld van sonskyn en ek is juis nie n siel vir die koue nie daarom hyg ek in jou nostalgiese verlange saam met jou. Doodeenvoudig pragtig!!!
-
Amaspoke
Uitstekende werk
Maak 'n opvolg-bydrae
Jy moet aangemeld wees om 'n kommentaar te plaas.
neels
Pragwerk Elizabeth