Jy blaas en blus my vlamme
Is dit die landskap
van die strand in jou lyf
wat onder die streel
van my vingers verstyf
want met die goud-grof
van jou skitter sand
blus jy die vuur-vlam
van my passie-brand.
Neem jy my op reis
met perfek gekose woorde
lei my deur jou soutmansland
na groen wingerde en boorde
na daar waar ons kan hooggety
aan propvol druiwekorrels smul
en wanneer skemer dag met sy naglied groet
sal ons onder ‘n sterrekombers inmekaar opkrul.
6 Kommentare
-
Anze
Jy het die mooiste woordbeelde hier geskets. Pragtig
-
Arnold
Jy verwoord die werklikheid van die liefdesspel baie goed uit.
-
Anria
Baie goed gedoen. Ek stem saam met jou ander 3 kommentare.
-
Zymrly
Uitstekende slot vir 'n puik gedig.
-
Meermin
Dankie aan almal vir jul saamlees en terugvoer. Waardeer opreg. :-)
Maak 'n opvolg-bydrae
Jy moet aangemeld wees om 'n kommentaar te plaas.
Viooltjie
Goed gedoen. Reel 11 en 12 is puik gestel☺