Lewensgebed
Nietig staan ek gedwee
voor U my God,
soos die saad van ñ vrug
spriet my gees uit
die grond uit,
voorsien my Heer
U lewende water,
sodat ek kan wortelskiet
in U goedheid en tug,
verdelg die uitheems
wat soos onkruid groei,
wees U my son
my dors en my skuiling,
waar die winter se herfs
die lente verskuil
en die somer se son my skroei,
wanneer ek wind verwaaid
smeekbede tot U sal roep,
deurdringend
sal ek soebat vir U genade,
vir U water, my oase –
hurkend kniel ek voor U neer,
kop gebuig,
snoei my seer
tot ek buigend my bekeer
tot U wil,
totdat die uitspruitsel
van my geboortestam
opwaarts sal troon,
en my songesoende wil
aangeraak sal wees
deur die vrug van die gees,
beklee my mantelblom kroon
met hemelmooi liefde,
sodat ek vrugte sal dra soos Jesus –
en ek in U paradys sal voortblom
tot in ewigheid in die huis
van Ons Here sal woon.
© 2018 C. Holder
Somerreën
Chantelle Holder is op 3 Oktober 1983 in Evander in die Mpumalanga distrik van Suid Afrika gebore. Sy is die tweede oudste van vier kinders. Sy matrikuleer in 2001 in Secunda en is steeds woonagtig in Secunda. Sy het begin skryf in 2004 om terapeutiese redes en het tot dusver baie bevryding en vertroosting ervaar deur woorde. Sedertdien spog sy met so 1300 gedigte en beoog om heelwat publikasies uit te bring in die komende jare. Chantelle skryf steeds, en hoop om ander deur haar woorde, met inspirasie te vul. Sewe (7) gedigte van haar is al gepubliseer deur die Christian Poetry Association, naamlik: The Greatest Gift - "Thank You Father" River of Life - "Vlieg saam my" Watched by an Angel - "Hooggety" Eternal Voice - "Alleenlik deur U" Shalom - "Dit begin by jou" Journey of Faith - "Geseënde ween" Oasis of Life - "My Kind" Asook ñ enkele gedig in ñ GR. 8 Werkboek: Metamorfose Fase 1 Afrikaans (EAT) Werkboek Gr.8 - "Straatkindertjies" Debuut bundel - Somerreën - ñ Ewige September (Oktober 2015) Haar volgende bundel sal in 2016 gepubliseer word, getiteld Somerreën …. Deur die genade van Bo….
Maak 'n opvolg-bydrae
Jy moet aangemeld wees om 'n kommentaar te plaas.