middernag rendezvous (Goud)
onder die middernagmaan
op óns versteekte stukkie strand
sal ek…en die see…onthou
van sterbesaaide nagte op die sagte sand
voor ons…altyd ‘n feesmaal
geskik vir ‘n koning en koningin
en ons…gekoester deur die warm seelug
en die ritmiese breek van branders teen sand
ek sal onthou hoe ons later
in omhelsing aan die slaap sou raak
warm en veilig om mekaar gevou
kom net nog eenkeer na my
ek sal wag vir jou, my lief
daar, onder die middernagmaan
daarná kan jy (my) maar
(laat) gaan…
© Elmarie Nienaber Van Kampen, 2025
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae vir Junie 2025 – PIEKNIEK projek