my wonderskone Namib-woestyn (SILWER)

my wonderskone Namib-woestyn

Namib-woestyn, geag as skynbaar
die heel oudste woestyn op aarde
in Nama-taal beteken Namib: ‘wye plek’
jou grense strek van Angola se suide
as ʼn smal strook langs kuslyn af
tot waar jou onderpunt eindig in Suid-Afrika

reënval is ʼn luukse en baie skaars
plant en dier oorleef op digte mis
wat in vlae aanrol van die oseaan
heelwat plantspesies kom hier voor
en moes aanpas om hier te oorleef
in fel son en min water staan jul sterk

die welwitschia is ʼn eiesoortige plant
met slegs twee blare wat nooit
ophou groei nie – rooierig om die
hittige son te flous in droër weer
en effens groen in klam tye,
so help jy fotosintese aan

as ek saans onder sterrehemel lê
kom skryf ek vir jou ʼn liefdeslied
in die sagte woestynsand
verwoord ek my liefde vir die
Namib-woestyn: tydloos
verewig versot verlief op jou …

©Marlene Erasmus
29/11/2022

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag