‘n gedagte 10h27 vir Venus

In ‘n offer van spys en drank
sewe en twintig minute oor tien
in ‘n land van valleie;
waar die Pharos eens hul voete gewas het
en ek dekades skakeer het,
om jou droomverlore spoor-
wou ék hiërogliewes vir jou kerf
tussen die tydlose omloop van jou beeld-
want sien Venus-vir jou is ék ‘n Oase
waar jy jou dors in ewigheid kan verlustig
en soos ‘n rivier kan terugkeer na die see.

©Morné du Preez