Robotman

Robotman

Op die hoek van Park- en Eastwoodstraat, staan n man met homself en praat.

Vlugtig vloei verkeer verby.

Dis Sondagoggend vroeg.
Met wie sou hy so staan en stry?
Mensverlate staar hy in die vêrte.
Met roetswart hande waai en beduie hy.
Sy oë is dof en diep versink in n verwaarloosde gesig.
Sy baard is grys en onversorg.
Sy hare hang in sterte.
Aan een voet is n flenterskoen.

Hy bevind hom op n ander plek, in n ander Wêreld.
Onbewus van enige iemand, óf van my.
Die lig word groen.

Ek ry.

-Jub-
18/10/2019

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag