Welkom, Besoeker
Welkom, Besoeker

Titel: Net donker (brons kategorie)

Deur Callie Vermeulen
Datum gepubliseer: 21 Desember 2018 Aantal woorde: 110 390 Kere gelees 9

ek slaap die slaap van die dooies
van donkerder as donker sonder enige drome

soms onthou ek nog (ten dele) van ou drome
soos vae gedagtes wat wil losbreek

nes ou stofbedekte boeke op vergete rakke
wat roep daarna om weer ontdek te word
vergeelde blaaie wat ruik na ou ink en stof
vergete (nou) in ou winkels op stil straathoeke

waar karre en mense elke dag verby snel
koppe geboë en hande in jassakke

in my donker rus
is daar geen vrees
geen bang meer
vir die onbekende

net ‘n finaliteit
‘n afwagting…

as ek die slaap van die dooies slaap
waar stikdonker my nie meer bangmaak nie

©callie 2018




TEMAS
1 Kommentaar
  1. Anze

    22 Desember 2018

    Pragtig, baie dankie vir jou bydrae tot die Desember 2018 projek

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 25
Kommentaar telling: 204

Het op skool alreeds begin skryf en 'n liefde vir tale gehad. Gedigte was deel van hierdie groeiperiode. Het toe 'n lang droogte tydperk beleef van etlike jare. Middel 2015 het ek weer die pen opgeneem en ernstiger begin skryf en dig en myself begin uitleef in rym en in woord.

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

1 Lid, 224 gaste aanlyn

Bydraes – Argief