Net donker (brons kategorie)

ek slaap die slaap van die dooies
van donkerder as donker sonder enige drome

soms onthou ek nog (ten dele) van ou drome
soos vae gedagtes wat wil losbreek

nes ou stofbedekte boeke op vergete rakke
wat roep daarna om weer ontdek te word
vergeelde blaaie wat ruik na ou ink en stof
vergete (nou) in ou winkels op stil straathoeke

waar karre en mense elke dag verby snel
koppe geboë en hande in jassakke

in my donker rus
is daar geen vrees
geen bang meer
vir die onbekende

net ‘n finaliteit
‘n afwagting…

as ek die slaap van die dooies slaap
waar stikdonker my nie meer bangmaak nie

©callie 2018

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag