Onbekende

met onbekende gesigte

wriemel vreemdes

waar geen oog

die ander vang

 

die gewoel gaan aan

elkeen ongeerg oor die ander

dan vries die oomblik

een oog in ń ander

 

die fraksie van ń sekonde

vang eeue oue logos* vas

dan spoel dit blitsig weg

in die straatgeraas

*logos s.nw.
1 (soms met ‘n hl. Logos) (filosofie) (Gr.) Manifestasie v.d. rede wat orde, doelgerigtheid en begrip i.d. heelal verseker

Woordeboek van die Afrikaanse Taal (WAT)