Ontvlugting (Silwer)

Ek droom ‘n paradys
– ongerep en vry –
waar omgee roep na sy maat
en vrede in koeltes lê en slaap.

Ek droom van stiltes wat praat
wat emosies sinvol verwoord,
waar denke vry in vlug
sierlik swaai deur die lug.

Ek droom egtheid wat aard
wat reg laat geld,
waar vooruitgang vreesloos wei
van stroop en wreedheid bevry.

‘n Plek waarheen ek kan ontsnap
vry van pretensie en morbiditeit,
‘n plek waar my sintuie weer lewe kry –
ongesteurd in God se skepping kan gedy.

©Driekie Grobler

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag