Oopgespêrde hoop (Goud)
sy het sag na hom geloer
maar hy’t haar in sy blik verdoem
haar hart was dragtig soos ‘n jersey koei
haar handjies was wit wolskapies
en haar voetjies sagte karakoelsy
hy was die opper oostewind
en sy maar net ‘n fraaie-vredeskind
hy het deur haar lyf gewaai
haar oopgespêr
en afgemaai
uit ‘n naakte narsisme bitterbeker
het hy het haar bloed gedrink
en soos ‘n leë rooiwynbottel
in glasstukgroen gelos
tog het sy weer vol geword
… en ‘n nuwe neus gekry
Andries Fourie
(Seirdna)
10.03.2022
2 Kommentare
-
Elizabeth
Puikmooi Andries!
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae tot die Maart 2022 – OOP projek