Sing jy (maar) van blomme* … (ek sing van vuur)
Die son gloei vanoggend oor die wye Karoo
maar elders brand daar treine, of skole – of so
nog ‘n vrou, nog ‘n kind, nog ‘n man in die straat
verloor die stryd teen die vlam, die rook en die haat.
Wie moet hiervoor die skuld kry – en nog smeulende vrae
of is dít hoe ons Showville* in Suid Afrika?
Laat die jonges pantsula, laat die ou mense wals
kom ons sing, kom ons lag,
kom ons huil oor dit als.
Die son sak weer vanaand oor die wye Karoo,
oor ons stede en townships, ons plaasgrond – en so.
Hoeveel as, hoeveel roet moet ‘n land dan verduur
voor sy lelies weer blom
in die spoor van die vuur?
© C. Shaw
31 Mei 2016
* FAK Sangbundel: (Titelnaam ~ Sing jy van blomme)
* Showville – Suid Afrikaanse televisie program waarin daar na plaaslike talent gesoek word.
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
11 Kommentare
-
-
Viooltjie
Baie dankie vir jou lees en kommentaar, Okatopi :-)
-
-
Loretta Szikra
Wow Carma. Hierdie is so puik geskyf!
-
Viooltjie
Grot dankie, Loretta :-)
-
-
neels
Ai ai Carma jou pragtalent kom hier weer sterk na vore
-
Viooltjie
Ek waardeer dit baie, Neels. Dankie :-)
-
-
Anze
Pragtig, baie dankie vir jou bydrae tot die Junie FAK projek
-
Koekekranka
So vra, soek en roep ons almal in die lewensgleuf waarin ons veral in Suid-Afrika en Afrika ons tans bevind... Jy slaag ongelooflik goed daarin om die radeloosheid -maar vir my ook 'n bedekte smeking as bede in jou slotvers te verwoord. Wie of wat kan dit mooier uitdruk as : " Hoeveel as, hoeveel roet moet ‘n land dan verduur voor sy lelies weer blom in die spoor van die vuur? Pragtig!
-
Viooltjie
Opregte dank vir jou saamlees en kommentaar, Koekekranka. Ek waardeer dit baie :-)
-
-
Elroux
Uitstaande aktuele gedig
-
Viooltjie
Baie dankie vir jou lees en kommentaar, Elroux. Dit word baie waardeer :-)
-
Maak 'n opvolg-bydrae
Jy moet aangemeld wees om 'n kommentaar te plaas.
Okatopi
So raak gevat