Smeking

seën my met sublieme musiek
my muse
ʼn prelude na crescendo
kantates met oorwurmrefreine afgerond

neurie-sing
skeppende solo-note gestring

begelei die alfa-rimes van my neurone
my muse
sodat stimuli vars strofes dig
in die akoestiese spelonke van my regterbrein

talm-weergalm
ʼn inspirasiepsalm

maar steeds is jou lippe blou gesnoer
jou nootbalke is leeg geoes
ek smoor in stom gebaretaal
in doodse stilte het jy my gefaal

dolorosa-bevange
koda-gesange

Etna Wepener ©️

Woordverklaring:

• Koda is die afdeling wat ‘n musiekstuk afsluit, soos die einde van ‘n liedjie.

• Dolorosa (doloroso) – ongelukkig, pateties, desperaat.

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag