sonlig

oor die baai
trek die opkomende son strepe
strepe wat na hom toe wys
bane van vreugde in kleur
saam met geur van die see
sout-briesie waai teen golwe op
sproei soms hoog en wit gegooi
alles neem hy in daar waar hy sit
op sy duin met oop gemoed
meeue kerm oor hul kos
wat skaars is sonder wind
kalm waters skommel sag
hul ligte drag van skulpies
wat reeds oopgebreek
op strand kom pryk
nog ‘n heerlike dag
nog geleentheid
om te loof
en prys

©Teárlach